نذر خون خدا و فرزند پاره جگر رسول

قان قطره سی صف چکمیش نورانی جبین اوسته

 گویا دوزولوب مرجان قرآن مبین اوسته

قرآنی شهید ائتمیش اوز امتی دین اوسته

هردم کی او قرآندان قان دامدی زمین اوسته

ثبت ائیله دی توپراقه ما ارحم رحمانی

.....

اول تشنه بوغازیلن بیلمم نه ائدوب بدخواه

صبحین یئلی گر اوپسه اینجور او بوغاز والله

اولمیش یارالار حاجی دولموش او زیارتگاه

سسلور او حرم هردم یا ذوالمن و یا ذیجاه

الحمد و بمحمودی والمنت و منانی

.....

یارب نه حکایت وار بو پارچالانان باشدا

تاثیر ائله مور شمره تاثیر ائلی یور داشدا

بی سابقه دور گوزده بی سابقه دور قاشدا

اوباشی ائدور رسوا سرنیزه اوباشدا

تفسیر ائلیور عشقی تسخیر ائلیور جانی

.....

کیمدور بو جدا اوسته قانیله بزنمیش شاه

گویلر بونا عرض ائیلر ای شاه سلام الله

عشق اهلی دییر به به منبرده اوتورموش ماه

کیپریکلری مکتبدی ابرولری دانشگاه

قاش کیپریگوه قربان ای مکتب عرفانی

استاد عسگر شاهی اردبیلی